جامع زين العابدين

خرجت مظاهرة من جامع زين العابدين ورفع الأحذية بوجه قناة الدنيا التابعة لنظام الأسد - وتم الهجوم عليها من قبل الأمن والشبيحة.
شهادة شاهد عيان:
صليت بجامع زين العابدين ولسا ماخلّص الامام دعاء بآخر الخطبة الا ووحد دعا اللهم أهلك الظالمين واشتعل الجامع كلو تكبيير المهم باللزور سكتت العالم مشان الصلاة واول ماخلصت الصلاة طلعت مظاهرة ضخمة من الجامع اول شي كانت العالم خايفة تطلع لبرا بس بعدين طلعنا وكان في شي 40 كلب برا الجامع بس مااسترجوا يقربوا دغري نحنا كملنا باتجاه شارع الزاهرة القديمة وقطعنا الطريق كان العدد هون حوالي 600 - 700 شخص ونحنا بشارع الزاهرة الئديمة جرينا الحاوية وحاولنا ناطع الطريئ ام هجموا علينا شي عشرين شبيح وضربو
قنابل صوتية قام هربنا على شارع الاشمر وضلينا عم نهتف بهل الوئت في عالم ما هربت واتجمعت عل الزاوية بلا هتاف وبلا شي وهدول الشبيحة ما لحئونا بعد خمس دئايئ بتجي المؤازرة شي خمسين شبيح كلاب كلون مسلحين جايين من ناح زين العابدين باتجاه الاشمر (لحئونا يعني) وهنن راكدين عم يأطعوا شارع الزاهرة الئديمة
من العالم المتجمعين على الزاوية بيصرخ بطل (يلا يا كلاب يلا ركدو عل الجولان يا كلاااااااااااب واشتعل التكبير) الشبيحة المسلحين ضلوا مكملين وراكدين
ما وأفوا بيضلوا هدول على الشارع هم يهتفوا ويكبروا وئطعوا الطريئ واشتغل الهتاف وزممير السيارات (غير العالم يلي صارت بالاشمر وعم تهتف يلي وصلت لهونيك واتفرقوا بسلام على ما اعتقد) ضلوا العلم بشارع الزاهرة الئديمة هتاف وزممير وهييييك حتى حتى ردو رجعوا هدنك الكلاب اما العالم كمان اتفرقت بسلام
وصار تشتيت للأمن (شغللللللللللللللللللللة) ومحدا اعتقل الحمد لله (كان في سيارة وائفة فوء الجسر معها كميرا تلفزيون عم تصور ) .....